29-njy awgustda Lebap welaýatynyň edara ediş merkezi bolan Türkmenabat şäherinde täze dermanhana acyldy.

Täze dermanhana Türkmenistanyň Senagatçylar we telekeçiler birleşmesiniň agzasy bolan “Tebigat çeşmesi” hususy kärhanasyna degişli bolup, arakesmesiz, irden sagat 7-den 23-e çenli işleýär. Dermanhana,  Lebap welaýat Enäniň we çaganyň saglygyny goraýyş merkeziniň hem-de “Ene mähri” merkeziniň golaýynda amatly ýerde ýerleşýär. Şeýle hem dermanhanada hasaplaşygy nagt we nagt däl görnüşde amala aşyryp bolýar.

Umumy meýdany 500 inedördül metr bolan bir gatly, ýagty we giň binada dermanlary, lukmançylyk enjamlaryny satýan bölümler, ammar we beýlekiler ykjam ýerleşdirildi. Dermanhananyň işgärleri tejribeli hünärmenlerden, maslahat berýän lukmanlardan ybaratdyr. Bu bolsa alyjylara ýokary hünär derejesinde maslahat almaga mümkinçilik berýär.