Tejen şäherindäki 13-nji çagalar bagynda terbiýeçileriň arasynda şaşka ýaryşy geçirildi. Ýaryşa şäherdäki çagalar baglaryndan terbiýeçiler gatnaşdy.
Ýaryşy, «Türkmenistan» Ýaşlar bedenterbiýe-sport guramasynyň welaýat bölümi, welaýat Baş bilim müdirligi, welaýat sport we ýaşlar syýasaty Baş müdirligi hem-de Türkmenistanyň Kärdeşler arkalaşyklarynyň welaýat birleşmesi bilelikde gurady.
Gyzykly we guramaçylykly ýagdaýda geçen şaşka ýaryşynda şäherdäki 5-nji çagalar bagynyň topary birinji, 4-nji çagalar bagynyň topary ikinji, 9-njy çagalar bagynyň topary üçünji orna mynasyp boldy. Ýeňijilere guramaçylar tarapyndan hormat hatlary hem-de ýadygärlik sowgatlar gowşuryldy.