Golaýda, Tejen şäherindäki 11-nji orta mekdebiň mejlisler jaýynda şäher häkimliginiň ýörite meýilnamasy esasynda wagyz-nesihat duşuşygy geçirildi. Mekdep okuwçylarynyň hem-de mugallymlaryň gatnaşmagynda geçen duşuşygy hukuk goraýjy edaralaryň hem-de jemgyýetçilik guramalarynyň wekilleri bilelikde gurady.

Duşuşykda çykyş edenler ýurdumyzda ösüp gelýän ýaş nesilleriň ýaramaz endiklerden daşda durup, sagdyn durmuş ýörelgelerine eýermekleri, sportuň dürli görnüşleri bilen meşgullanmaklary üçin döredilip berilýän mümkinçilikler barada belläp geçdiler. Şeýle hem gadymdan gelýän däp-dessurlarymyz, milliligimiz hakynda söz açýan täsirli çykyşlar edildi. Duşuşygyň ahyrynda Arkadagly Serdarymyzyň adyna aýdylan alkyş sözleri belentden ýaňlandy.