Ýakynda, Ahal welaýatynyň Tejen etrabynyň tohumlyk pagtany gaýtadan işleýän pagta arassalaýjy kärhanasynda türkmeniň milli däp-dessurlaryny, maşgala mukaddesligini hem-de edep-terbiýe kadalaryny wagyz-nesihat etmek maksady bilen duşuşyk geçirildi. Wagyz-nesihat duşuşygyna etrabyň edara-kärhanalarynda, saglygy goraýyş hem-de bilim ulgamynda zähmet çekýän gelin-gyzlar gatnaşdy.

Geçirilen duşuşykda jemgyýetçilik guramalarynyň, hukuk goraýjy edaralarynyň wekilleri çykyş etdiler. Edilen çykyşlarda ýurdumyzy gurşap alan özgertmeler, durmuş ugurly syýasata laýyklykda alnyp barylýan guwandyryjy işler, maşgalalaryň bagtyýarlygy ugrundaky tagallalar barada söz açyp, asylly ýol-ýörelgelerimizi, däp-dessurlarymyzy öwüt-ündew etdiler.