Berkarar döwletiň täze eýýamynyň Galkynyşy döwrüniň toý-baýramly günlerinde eziz Watanymyz, agzybir halkymyz Täze – 2023-nji ýyly uly ruhubelentlik bilen garşylaýar. Diýarymyzyň çar ýany ajaýyp öwüşginlere, baýramçylyk lybasyna beslenip, şugla saçýar. Ýurdumyzyň ähli ýerlerinde owadan arçalar oturdylyp, Täze ýyl mynasybetli baýramçylyk bezegleri giňden ýaýbaňlandyrylýar. Dürli öwüşginli Baş arçanyň töweregine müňlerçe adamlar ýygnanyp, birek-birege uly rowaçlyklar, bagtyýarlyk arzuwlaýarlar. Täze ýyl baýramy ajaýyp maşgala baýramçylygydyr. Täze ýyl – täze umytlaryň, ýagşy hyýallaryň wysal bolmagydyr. Tamamlanyp barýan 2022-nji ýylda Arkadagly Serdarymyzyň parasatly baştutanlygynda berkarar Watanymyza uly ösüşler, ýeňişli menziller ýar boldy. «Halkyň Arkadagly zamanasy» ýylynda durmuşa geçirilen beýik işler, amala aşyrylan başlangyçlar halkymyzyň kalbynda ebedilik galdy. Bu beýik başlangyçlar Garaşsyz, hemişelik Bitarap Türkmenistan döwletimizde durmuşa geçirilýän belent maksatlaryň ähmiýetini giňden wagyz etmekde, Watanymyzyň ösüşini düýpli ýokarlandyrmakda, nesilleriň kalbynda berkarar Watanymyza söýgi, buýsanç duýgularyny ösdürmekde möhüm ähmiýete eýedir. Baýramçylyk lybasyna bürenen ýurdumyzda özboluşly binagärlik aýratynlygy Täze ýylyň şatlyk-şowhuny bilen utgaşýar. Täze ýylyň joşguny, çagalaryň şadyýan gülküleri çar ýany gurşap alýar. Birek-birege Täze ýyl mynasybetli abadançylyk, jan saglyk, beýik özgertmeleriň durmuşa geçirilmeginde uly üstünlikleri arzuw edýärler. Bu ýylda durmuşa geçirýän belent başlangyçlary bilen il-halkyny täze belentliklere alyp barýan Arkadagly Serdarymyzyň ynsanperwer döwlet syýasaty, beýik işleri kalplarda ruhubelentlik duýgusyny joşdurýar. Arkadagly Serdarymyzyň şeýle belent tutumlary Täze – 2023-nji ýylda hem uly rowaçlyklara beslensin.  Pursatdan peýdalanyp, Gahryman Arkadagymyzy, Arkadagly Serdarymyzy, ähli watandaşlarymyzy Täze ýyl baýramy bilen tüýs ýürekden gutlaýarys. Goý, Täze – 2023-nji ýyl mähriban halkymyza, eziz Watanymyza uly rowaçlyklary, taryhy wakalary, beýik ýeňişleri getirsin! Täze ýylyňyz gutly bolsun! 

Bäşim ÖWEZOW,

Türkmen oba hojalyk institutynyň mugallymy.