Häzirki wagtda ýurdumyzda türkmen ýaşlarynyň döwrebap bilim we terbiýe almaklary üçin giň mümkinçilikler döredilýär. Ahal welaýatynyň Sarahs etrabynda Türkmenistanyň Magtymguly adyndaky Ýaşlar guramasynyň Sarahs etrap Geňeşiniň, Sarahs etrap Bilim bölüminiň bilelikde gurnamaklarynda etrabymyzyň orta mekdepleriniň okuwçylarynyň arasynda ýaşlaryň döredijilik ukybyny ýokarlandyrmak maksady bilen döredijilik bäsleşigi geçirildi. Oňa etrabyň mekdepleriniň okuwçylarynyň arasynda surat çekmek bilen meşgullanýan okuwçy oglan-gyzlaryň birnäçesi gatnaşdylar. Döredijilik bäsleşiginiň düzgünnamasyna laýyklykda oňa gatnaşan ýaş suratkeşler özleriniň hödürlän işlerinde ata Watanymyzyň parahatçylyga beslenýän Garaşsyzlyk ýyllarynda gazanan ösüşleri, toý baýramlary, Ak şäherimizň Aşgabadyň pajarlap ösüşi aýdyň şöhlelendirilýär. Bäsleşige hödürlenen işleriň ählisi eminler toparynyň garamagynda seljerme işleri geçirilip olaryň arasyndan has tapawutlanan işler saýlanyp alyndy. Has takygy, bäsleşige gatnaşan ýaş suratkeşleriň has tapawutlananlaryna baýrakly orunlar  kesgitlenildi. Bäsleşikde Sarahs etrabynyň 3-nji orta mekdebiniň okuwçysy Ogulsenem Mämmetnurowa, etrabyň 19-njy orta mekdebiň okuwçysy Selim Şöhradow, 15-nji orta mekdebiň okuwçysy Gülçemen Amanmyradowa dagylar has tapawutlanyp baýrakly orunlara mynasyp boldular.