Şu ýyl Ahal welaýatyndaky umumybilim berýän mekdeplerde täze, 2022—2023-nji okuw ýylynyň başlamagy bilen welaýat boýunça 6 ýaşly çagalaryň 23 müňden gowragy ak mekdeplere gadam basdy. Olaryň ählisine hormatly Prezidentimiziň we Gahryman Arkadagymyzyň adyndan ajaýyp sowgat bolan kompýuterler dabaraly ýagdaýda gowşuryldy.

Welaýatda şanly sene mynasybetli Gökdepe etrabynda 320 orunlyk täze, döwrebap çagalar-bakja bagy, Kaka etrabynyň Duşak şäherçesindäki 600 orunlyk ýöriteleşdirilen orta mekdebiň we 320 orunlyk çagalar-bakja bagy açylyp ulanylmaga berildi.