Bütindünýä Tebigaty Goramak Guramasy tarapyndan taýýarlanan soňky maglumata görä, ýabany tebigatyň jandarlaryna uly howp abanýar. Guramanyň taýýarlan hasabatyna görä, 50 ýyldan gowrak wagtyň dowamynda dünýädäki ýabany tebigatyň wekilleriniň 70 göterimi azalypdyr. Olaryň arasynda süýdemdirijiler, süýrenijiler, guşlar we balyklar bar.

Iň uly ýitgi Latyn Amerikasynda we Karib deňzinde, şol sanda Amazon tokaýlarynda bolupdyr. Hünärmenler sebitdäki ýabany tebigatyň wekilleriniň soňky 50 ýylda 94 göterim azalandygyny habar berdiler. Bu görkeziji Afrikada 66 göterim, Aziýa-Ýuwaş umman sebitinde 55 göterim we Demirgazyk Amerikada 20 göterim boldy. Beýleki tarapdan, bu ýok boluşyň tizligi günsaýyn artýar.

Bellemeli zatlaryň biri hem adamzadyň ýabany tebigatyň ýok bolup gitmeginiň öňüni alyp biljekligidir.