Ýakynda, Sarahs etrap hassahanasynda etrap häkimliginiň meýilnamasyna laýyklykda, etrabyň jemgyýetçilik guramalarynyň hem-de hukuk goraýjy edaralarynyň bilelikde guramagynda «Agzybirlik — maşgala binýadynyň sütüni» ady bilen wagyz-nesihat duşuşygy geçirildi. Geçirilen duşuşyga saglygy goraýyş ulgamynda zähmet çekýän gelin-gyzlar gatnaşdy.

Duşuşykda çykyş edenler, Berkarar döwletiň täze eýýamynyň Galkynyşy döwründe maşgalanyň durmuşdaky ornuny pugtalandyrmak, türkmen halkyna gadymyýetden mahsus bolan maşgala gymmatlyklaryna eýermek boýunça alnyp barylýan işleriň ähmiýeti hakdaky gürrüňe aýratyn ünsi çekdiler.