Ýakynda, Sarahs etrap bilim bölüminde ýurdumyzyň ýokary we ýörite hünär okuw mekdeplerini üstünlikli tamamlap gelen ýaş hünärmenler bilen dabaraly duşuşyk geçirildi. Duşuşyga bilim bölüminiň hünärmenleri, mekdepleriň we çagalar baglarynyň müdirleri gatnaşdy.

Duşuşykda etrap bilim bölüminiň müdiri Babajan Satlykow çykyş edip, ýaş hünärmenleri okuw mekdeplerini üstünlikli tamamlap, zähmet ýoluna gadam basmaklary bilen gutlady hem-de olara asylly işde üstünlikleri arzuw etdi.

Ýeri gelende belläp geçsek, üstümizdäki ýylda ýurdumyzyň ýokary we ýörite hünär okuw mekdeplerini tamamlan ýaşlaryň 47-siniň Sarahs etrap bilim bölüminiň ygtyýaryna ugradylandygyny bellemek gerek.