Häzirki wagtda ýurdumyzyň dürli künjeklerinde güýz paslynyň bereketli hasylyny ýygnamak üçin pagtaçy kärendeçiler arman-ýadaman zähmet çekýärler. Pagtaçy kärendeçileriň armasyny ýetirmek maksady bilen gazanýan zähmet üstünlikleriniň şanyna dürli medeni köpçülikleýin çäreler guralýar.

Sarahs etrabynyň «Bereket» daýhan birleşiginiň 5-nji kärendeçiler toparynyň meýdan düşelgesinde pagtaçy kärendeçileriň arasynda aýdym-sazly medeni çäre guraldy. Çärede etrap hassahanasynyň işgärleri zähmet adamlarynyň saglyklaryny berkitmekde özleriniň hyzmatlaryny we degişli maslahatlary berdiler. Türkmenistanyň Kärdeşler arkalaşyklarynyň etrap birleşmesi hem-de Magtymguly adyndaky Ýaşlar guramasynyň etrap geňeşi tarapyndan tapawutlanyp işleýän kärendeçilere, ýygymçylara, sürüjilere ýadygärlik sowgatlar dabaraly ýagdaýda gowşuryldy.