Ahal welaýaty
logo

Soňky täzelikler:
✦ Dekabr aýynda geçirilmegi meýilleşdirilýän çäreler ✦ ✦ Ýurdumyzda Turkiýanyň eksport harytlarynyň sergisi geçiriler ✦ ✦ Maşgala terbiýesiniň orny we ähmiýeti ✦ ✦ Oba hojalyk ekinleriniň täze sortlary hasyllylygyň kepili ✦ ✦ Magtymguly Pyragy medeni-seýilgähindäki şahsyýetler: Saýido Nasafi ✦ ✦ Türkmen oba hojalyk instituty bilim we ylmyň baglanyşygyny berkitýär ✦ ✦ Täze okuw kitabynyň neşiri bilim ulgamyna uly goşantdyr ✦ ✦ Türkmen milli gymmatlyklary täze okuw kitabynda orun alýar ✦ ✦ Türkmeniň goşa ganaty ✦ ✦ Ýaşlar baýragy ― ýaşlygyň serpaýy ✦
Baş sahypa / Jemgyýet /“Sagdyn nesil-geljegmize badalga”
  01.06.2022
995
“Sagdyn nesil-geljegmize badalga”

    Ata Watanymyzyň agzybirliginden, jebisliginden, bagtyýarlygyndan eşret tapan türkmen halky Hormatly Prezidentimiziň elmydama janynyň sag bolmagyny belent başynyň aman bolmagyny arzuw etmek bilen ýaşaýar. Ýurdumyz ösýär, özgerýär, ösüşiň täze belentliklerini nazarlap, bedew bady bilen öňe barýar. Şol sanda ýurdumyzda ýaş nesillerimiziň ylymly bilimli, giň dünýägaraýyşly, edepli-ekramly bolup ýetişmekleri hem-de öz wagtlaryny şadyýan geçirmekleri üçin Hormatly Prezidentimiziň asylly başlangyçlary esasynda uly işler alnyp barylýar. Ata Watanymyzda şeýle asylly başlangyçlary nazarlap öwgä mynasyp işler alnyp barylýar. Hormatly Arkadagymyzyň “Gözlerimiziň guwanjy, göwünlerimiziň buýsanjy bolan bagtyýar çagalar berkarar Watanymyzyň dünýädäki abraýyny, mertebesini, şan-şöhratyny has-da beýgeltjek nesillerimizdir” diýen sözlerinden ugur alyp, 01.06.2022-nji ýyl senede Ahal welaýatynyň Ak bugdaý etrabynyň Änew şäherinde ýerleşýän “Buýsanç” çagalar medeni dynç alyş seýilgähinde Çagalary goramagyň halkara güni mynasybetli Ahal welaýat we Ak bugdaý etrap häkimligi, medeniýet we bilim bölümi hem-de jemgyýetçilik guramalar tarapyndan aýdym sazly medeni dynç alyş çäresi geçirildi. Bu geçirilen dabaraly çärä, etrabymyzyň bagtyýar nesilleri işjeňlik bilen gatnaşdylar. Ahal welaýat we Ak bugdaý etrap medeniýet bölüminiň sungat ussatlarynyň eden çykyşlary bilen bu dawaraly çäre has-da şowhunly we dabaraly geçmeginde aýratyn bir mana eýe boldy. Dabaranyň dowamynda biziň geljegimiz bolan ýaş nesillerimiz hem türkmeniň milli oýunlaryny oýnamak, surat çekmek boýunça çykyşlaryny, ýetginjekler döredijilik öýüniň aýdym-sazlary we sergileri bilen çykyş etdiler. Bu geçirilen dawaraly çäre özüniň ýatda galyjylygy bilen tapawutlandy. Şeýle dabaraly çäreleriň yzygiderli geçirilmegi bolsa biziň ösüp gelýän ýaş nesillerimiziň Watansöýüjilik duýgularynyň hasda artmagyna özüniň uly täsirini ýetirýär. Bizi şeýle ajaýyp zamanada ýaşadýan Hormatly Prezidentimiziň jany sag belent başy aman, tutýan tutumly il ýurt bähbitli işleri rowaçlyklara beslensin!