Rus kosmonawty Waleriý Polýakow 80 ýaşynda aradan çykdy. Ol kosmosda 437 gün bolup rekord goýan kosmonawtdy.


Waleriý Polýakow 1994-1995-nji ýyllar aralygynda 14 aýlap kosmosda Mars bilen baglanyşykly birnäçe ylmy derňewleri alyp bardy. Şol döwürde Polýakow dünýäniň daşyndan 7 müň gezek aýlandy. Birnäçe ylmy gözleglerden, synaglardan we derňewlerden soň Polýakow 2001-nji ýylda pensiýa çykdy.


Russiýanyň kosmos gullugy «Roskosmos» Sowet Soýuzynyň Gahrymany Waleriý Polýakowyň aradan çykandygy baradaky habary berdi. Emma Polýakowyň näme sebäpden aradan çykandygy aýan edilmedi.