Ahal welaýaty
logo

Soňky täzelikler:
✦ BMG-niň Merkezi Aziýadaky hemişelik utgaşdyryjylarynyň gatnaşmagynda okuw sapagy geçirildi ✦ ✦ Aktau şäherinde Halkara parahatçylyk we ynanyşmak ýylyna bagyşlanan çäre gurnaldy ✦ ✦ «Arkadag» futbol topary AFK-nyň Çagyryş ligasynyň kubogyny gazandy ✦ ✦ Lew XIV ady bilen täze Papa saýlandy ✦ ✦ Türkmenistan tarapyndan daşary döwletlerde gurlan bilim edaralary ✦ ✦ Hytaý 5,4 müň metr meýdanda innowasion merkezi bolan muzeý gurdy ✦ ✦ Ekologiýa arassaçylygy - durmuşyň kepili ✦ ✦ Türkmen agyr atletikaçylary dünýä çempionatynda jemi 12 medala eýe çykdylar ✦ ✦ Hytaýda bütindünýä robotlar oýunlary geçiriler ✦ ✦ Türkmenistanyň hemişelik Bitaraplygynyň 30 ýyllygyna bagyşlanan çäre geçirildi ✦
Baş sahypa / Oba hojalygy /Pagta taýýarlamak babatdaky şertnamalaýyn borçnamany ilkinji bolup berjaý etdiler
  23.11.2022
616
Pagta taýýarlamak babatdaky şertnamalaýyn borçnamany ilkinji bolup berjaý etdiler

Gökdepe etrabynyň «Ýandaklyagyz» daýhan birleşiginiň daýhanlary etrapda ilkinji bolup, pagta taýýarlamak babatdaky şertnamalaýyn borçnamalaryny berjaý etdiler. Daýhan birleşigiň bu üstünliginde pagtaçy-kärendeçi Çary Pirowyň hem saldamly goşandy bardyr. Ol 4 gektar kärende ýerinden gowaçanyň ýokary hasylyny ýygnamak bilen, tabşyryga irki möhletde hötde geldi. Bu barada, «turkmenmetbugat»-ynda habar berilýär.

Pagtaçy-kärendeçi Çary Pirowyň şu güne çenli belent harmana goşan «ak altyny» 17 tonna barabardyr. Munuň özi şertnamalaýyn borçnamada göz öňüne tutulandakysyndan ep-esli köpdür. Onuň «ak altynly» atyzlarynda heniz hasyl köp. Ol möwsümiň ahyryna çenli kärende ýeriniň her gektarynyň hasyllylygyny 45 sentnere ýetirmegi maksat edinýär.

Etrabyň jemgyýetçilik guramalarynyň, şol sanda Türkmenistanyň Demokratik partiýasynyň etrap komitetiniň wekilleri gürrüňi edilýän daýhan birleşigiň öňdebaryjy pagtaçylarynyň birnäçesini iş üstünde sylaglady. Olaryň arasynda Çary Pirow hem bolup, onuň iş üstündäki duşuşykda armasy ýetirilip, iň gowy arzuwlar aýdyldy.