Günorta Koreýadan gelip çykan «pop» aýdym-saz medeniýetine degişli «K-pop» soňky wagtlar dünýäde uly meşhurlyk gazandy. Ýurtdan çykýan meşhur aýdymçylar we aýdym-saz toparlary  tarapyndan ýerine ýetirilýän aýdymlar häzirki wagtda dünýäde millionlarça adam tarapyndan diňlenilýär. Bularyň arasynda iň meşhur aýdym-saz topary bolsa «BTS» atly topardygyny aýtsak ýalňyşmarys. Olaryň aýdymlaryny söýüp millionlarça adam diňleýär.

Ýakynda, «BTS» toparynyň janköýerlerini gynandyrjak habar ýüze çykdy. Ýagny, aýdym-saz topary harby gulluga çagyrylýar. Mälim bolşy ýaly, Günorta Koreýa 18-28 ýaş aralygyndaky ähli erkekleriň harby gulluga gitmegini we iki ýyl gulluk etmegini hökmany hasaplaýar. Ýurtda harby gulluk möhletini yza süýşürmek boýunça iň soňky ýaş bolsa 30 bolup durýar. «BTS» toparynyň bolsa iň uly ýaşlysy 28 bolup durýar. Şol sebäpli topar ýakynda iki ýyl harby gulluga etmek üçin giderler. Topar indi 2025-nji ýylda ýene birek-birek bilen duşuşar.

Geçirilen gözleglere görä, «BTS» topary Günorta Koreýanyň ykdysadyýetine ýylda 3,6 milliard dollar goşant goşýar.