Bu gün ynsan kalbynda iki duýgynyň birlikde höküm sürýän güni. Bu gün — 25-nji maý.

Şeýle ajaýyp günüň ýatda galyjy pursatlara beslenmegi hökmanylykdyr. Hut şol sebäpli-de, şan-şöhraty dünýä dolan merjen paýtagtymyzyň güni bilen utgaşyp gelen «Soňky jaň» dabaralary ýurdumyzyň umumybilim berýän orta mekdepleriniň ählisinde giň gerimde ýaýbaňlandyryldy. Goşa baýram — goşa şatlyk. «Soňky jaň» dabaralarynda döwrümiziň döredijilik ruhy aýdyň ýüze çykdy. Säheriň hoştap howasy bilen utgaşan dabaralar mukaddes bilim ojaklary bilen hoşlaşýan bagtyýar ýaşlar — mekdep uçurymlary üçin ýatda galyjy wakalara baý boldy.