Bilşimiz ýaly, tomus paslynyň häzirki günlerinde gyş möwsümi üçin bol ot-iým goruny döretmek örän möhüm ähmiýete eýe bolýar. Şu günler daýhan birleşikleriň gyş möwsümi üçin ot-iým taýýarlaýjylary bu derwaýys işde ähli mümkinçiliklerden netijeli peýdalanýarlar. Olar gyş möwsümi üçin iri baldakly ot bolan saman hem-de bede taýýarlamak işlerini ýokary depgin bilen alyp barýarlar. Işiň hiline we mukdaryna aýratyn üns berýärler.
     Häzirki wagta çenli Ahal welaýatynyň Bäherden etrabynyň «Mürçe» daýhan birleşiginde 33 tonna, «Ýeňiş» daýhan birleşiginde 216 tonna hem-de Şaja Batyrow adyndaky daýhan birleşiginde 775 tonna, Magtymguly adyndaky daýhan birleşiginde hem 612 tonna ot-iým gorlary taýýarlanyldy. Şeýlelikde, bu hojalyklar nusga alarlyk işleri bilen öňe saýlanýarlar. Taýýarlanan ot-iýmlik bedeler daýhan birleşiklerine degişli bolan maldarçylyk hojalyklaryna ugradylýar.