Ýurdumyzda kiçi we orta  telekeçiligi ösdürmeklige uly üns berilýär. Munuň şeýledigine oba hojalyk pudagynyň ösüşlerini synlanyňda hem görmek bolýar. Bu gün Tejen etrabynyň çäginde ýerleşýän “süýtli ýaýla” hojalyk jemgyýeti boýunça alnyp barylýan işler hem şaýatlyk edýär. Hojalyk jemgyýetiniň düzüminde tohumlylyklary boýunça süýtli-Germaniýa hem-de Russiýa döwletlerinden getirilen iri şahly mallaryň 1000-e golaýy bar. Ol mallar weterinariýanyň kadalaryna laýyklykda idedilýär. Şu maksat bilen hojalyk jemgyýete degişli 600 gk golaý ekin meýdanlary bar.

      Ol ýerlere ýorunja, arpa, mekgejöwen, bugdaý we beýleki ekinleri ösdürilip ýetişdirilýär. Şol bir wagtyň özünde bolsa şol ýokarda agzalan önümler ýörite bölümlerde gaýtadan işlenilip, mallara berilýär, munuň özi bolsa göleleriň sagdynlygyna, sygyrlaryň süýtliligine we beýleki iri şahly mallaryň orta we ýokary semizlikde bolmaklaryna getirýär.

Häzirki wagta “süýtli ýaýla” hojalyk jemgyýetindäki iri şahly mallary gyş möwsümine taýýarlamakda zerur bolan ähli çäreler durmuşa ornaşdyrylýar.