2025-nji ýylyň 14-nji oktýabrynda Türkmenistanyň Döwlet energetika institutynda Türkmenistanyň Magtymguly adyndaky Ýaşlar guramasynyň Mary welaýat Geňeşi bilen bilelikde, Hormatly Prezidentimiziň BMG-niň Baş Assambleýasynyň 80-nji mejlisinde öňe sürýän başlangyçlarynyň taryhy ähmiýetini giňden wagyz etmek maksady bilen, “Hoşniýetli hyzmatdaşlygyň aýdyň beýany” atly aýdym-sazly dabaraly maslahat geçirildi. Maslahata professor-mugallymlar we talyp ýaşlar gatnaşdylar. Olar durnukly ösüşde energiýa birleşmeleriniň orny, gaýtadan dikeldilýän energiýa çeşmeleriniň dünýä ulgamy bilen baglanyşygy we Türkmenistanyň ygtybarly energiýa akymlaryny döretmek baradaky başlangyçlary barada giňişleýin gürrüň etdiler. Maslahatyň ahyrynda gatnaşanlar Gahryman Arkadagymyza we Serdarymyza edilen goldawlar üçin uly minnetdarlyk bildirdiler.

Şatlyk AGAJANOW,

Türkmenistanyň Döwlet energetika
institutynyň talyby.