Öz döwrüňde dünýä gezdiň şahyrym,
Parahatlyk isläp Ýeriň ýüzünde.
Ine, bu gün bolsa parahat dünýäň,
Dana Liderleri türkmen düzünde.

Arkadagly Serdar, Beýik Arkadag,
Uludan toý tutýar Seniň şanyňa.
Dünýä Liderleri toýuňy gutlap,
Tagzym edýär heýkeliňe, alnyňa.

Arkadagym, Arkadagly Serdarym,
Ýubileý ýylyň ýaň saldyrdy jahana.
Milli Lider şygry – ýylyň şygary
Ylham bolup, joşgun berdi dahana.

Türkmenistan – baky berkarar ýurduň,
Bitarapdyr, aýdyň ýoldur tutany.
Älem-jahan içre eziz Diýarym,
Parahatlyk, ynanyşmak Watany.

Ynanyşmak – dost-doganlyk binýady,

Pyragyň wesýeti, şygyr dünýäsi.

Täze Galkynyşly ajap eýýamda,

Parahatlyk – baky bagtyň güwäsi.

On bi:rinji oktýabr senesi,
Şanly ýyla ýazar beýik taryhy.
Aşgabat forumy dünýä ýüzünde,
Pyraga hormatyň belent tarypy.

Toýly Jänädow,
Mary welaýatynyň Mary etrabynyň
Ruhubelent geňeşliginiň ýaşaýjysy.