Golaýda, Kaka etrap häkimliginiň mejlisler jaýynda, Türkmenistanyň Kärdeşler arkalaşyklarynyň Ahal welaýat hem-de Kaka etrap birleşmeleriniň bilelikde guramagynda okuw maslahaty geçirildi. Okuw maslahatyna Türkmenistanyň Kärdeşler arkalaşyklarynyň etrap birleşmesiniň işgärleri, edara-kärhanalardaky ilkinji guramalaryň ýolbaşçylary we işjeň agzalary hem-de degişli edara-kärhanalaryň wekilleri gatnaşdy.

Maslahatyň barşynda, hormatly Prezidentimiziň ilatyň ýaşaýyş-durmuş derejesini ýokarlandyrmak, ýurdumyzyň ykdysady kuwwatyny artdyrmak ugrunda edýän tagallalary hakynda we bu ugurda kabul edilýän taryhy resminamalaryň ähmiýeti barada anyk mysallar arkaly täsirli çykyşlar diňlenildi.