Kaka etrabyndaky «Kakaagyzsuw» müdirliginiň zähmetsöýer işgärleriniň arasynda wagyz-nesihat maslahaty geçirildi. Türkmenistanyň Milli Geňeşiniň, ýurdumyzyň jemgyýetçilik wekilleriniň bilelikdäki mejlisinde kabul edilen çözgütleri wagyz-nesihat etmek maksady bilen geçirilen maslahaty Türkmenistanyň Kärdeşler arkalaşyklarynyň Kaka etrap birleşmesi gurady.

Maslahatda çykyş edenler Gahryman Arkadagymyzyň Türkmenistanyň Halk Maslahatynyň başlyklygyna saýlanylmagy, şeýle hem Türkmen halkynyň Milli Lideri diýlip kanun esasynda ykrar edilmegi bilen baglanyşykly ýürek buýsanjyny beýan etdiler.

Maslahatda berkarar Watanymyzyň ýokary depginler bilen ösmegi, abraý mertebesiniň belende galmagy ugrunda nusgalyk işleri alyp barýandygy, halkymyzy eşretli durmuşa ýetirendigi üçin Milli Liderimiziň we hormatly Prezidentimiziň adyna alkyş sözleri aýdyldy.