Türkmenistanyň Magtymguly adyndaky Ýaşlar guramasynyň Kaka etrap Geňeşiniň hem-de etrap bilim bölüminiň bilelikde guramagynda geçirilen dabaraly maslahat «Berkarar döwletiň bagtyýar ýaşlary» diýlip atlandyryldy. Türkmenistanyň Magtymguly adyndaky Ýaşlar guramasynyň nobatdaky VIII gurultaýynyň üstünlikli geçmeginiň şanyna guralan dabaraly maslahata okuwçy ýaşlardyr ýaş mugallymlar, jemgyýetçilik guramalarynyň işjeň agzalary gatnaşdy.

Dabaraly maslahatda çykyş edenler ýaşlaryň nobatdaky gurultaýynyň Arkadag Serdarly bagtyýar ýaşlar ýylynda geçirilmeginiň möhüm ähmiýete eýedigini, munuň özi ýurdumyzyň beýik özgertmeler ýoly bilen barha öňe gitmeginde ýaşlara uly ynam bildirýändiginiň alamatydygyny bellediler. Bagtyýar ýaşlar özleri hakda bimöçber alada edip, döwrebap bilim almaklary, ýaşlaryň hünär öwrenmekleri, aň-düşünjeli bolup, ruhy-ahlak we beden taýdan sagdyn ýetişmekleri baradaky meseleleri aýratyn üns merkezinde saklaýandygy üçin Türkmen halkynyň Milli Lideriniň we hormatly Prezidentimiziň adyna alkyşly sözlerini aýtdylar.