Dünýäniň iň abraýly ýokary okuw mekdebi bolan MIT (Masaçusets Tehnologiýa institutyna) bu ýyl türkmenistanly ýaş zehin Jennet Zamanowa kabul edildi. Bu institut örän ýokary barlaglaryň netijesinde dünýäniň dürli künjeklerinden talyplary alýar. Bu institutda öň hem 3 sany türkmen talyby bilim aldy. Jennet Zamanowa bolsa türkmenistanly ilkinji zenan talyby bolmagy başardy.  

Jennet Zamanowa Aşgabat şäheriniň 86-nji ýöriteleşdirilen orta mekdebini tamamlady. Ol soňky 3 ýylyň dowamynda ýerli we halkara matematika olimpiadalarda birnäçe baýraklara eýe boldy. Ol şeýle-de programmirleme we tehnologiýalar bilen ýakyndan meşgullanýan gurnaklarda we taslamalarda işjeň gatnaşýar.

Jennet Zamanowa geljekde özüni kompýuter inženerligi we informasion tehnologiýalarda bilermen hökmünde görýär.