Hytaý, deňizde ýel turbinasy bilen işleýän dünýädäki ilkinji deňizüsti gün energiýa ulgamyny gurdy. 

Mälim bolşy ýaly Hytaý gaýtadan dikeldilýän energiýa çeşmelerine geçmek boýunça dünýäde öňdebaryjy ýurtlardan biri bolup durýar. Ýurt birnäçe ýyldan bäri, ýel we gün energiýasyny öndürip, ony ykdysadyýetiň dürli pudaklarynda netijeli peýdalanýar. Hytaý indi diňe bir ýerüsti bilen çäklenmän eýsem deňiz üstinde hem gaýtadan dikeldilýän energiýa çeşmelerini gurup başlady. Gibrid energiýa ulgamy bolan ilkinji deňizüsti gün energiýa ulgamy ilkinji gezek ulanylýar.

Dünýädäki ilkinji deňizüsti gün energiýa ulgamy taslamasyna başlan ýurt, bu taslama bilen baglanyşykly  ilkinji deňiz gibrid elektrik stansiýalaryny hem gurup, olardan peýdalanyp başlady. Taslamany Hytaýyň döwlet eýeçiligindäki döwlet energiýa maýa goýum korporasiýasy (SPIC) gurdy.

«SPIC» - Hytaýda iň uly bäş elektrik hyzmatlaryny berýän kompaniýalaryň biri hökmünde tapawutlanýar. Bu kompaniýa dünýädäki iň uly fotoelektrik ýagny ýüzýän gün panellerini öndürýän kompaniýadyr. Ol Hytaýyň gündogaryndaky Haýýangyň kenarynda ýerleşýär.

Iki ýüzýän gün paneli jemi 0,5 megawat energiýa öndürmäge ukyplydyr. Olar elektrik toguny suwasty kabel arkaly degişli ýerlere paýlaýarlar. Şunuň bilen baglylykda, ilkinji deňizüsti gün energiýa ulgamynyň energiýasyndan 2023-nji ýylda peýdalanylyp başlanar. 

Yslam TYLLANUROW,

Türkmen döwlet binagärlik we
gurluşyk institutynyň Inžener-mehanika
fakultetiniň dekany.