Hindistanyň Gujarat welaýatynda iki kenary birleşdirýän pyýadalar üçin asma  köpri ýykyldy. Pajygaly ýagdaýda 132-den gowrak adam aradan çykdy. Berlen habara görä, waka bolan wagty köpriniň üstünde 400-500 adamyň bardygy aýdylýar.

Köpri XIX asyrda gurlup uzynlygy 230 metre barabardy. Köpri abatlaýyş işleri üçin alty aý bäri ýapylandygy we birnäçe gün ozal açylandygy baradaky maglumatlar bar.

Gujarat welaýatynyň baş polisiýa işgäri Ashish Bhatia gözleg we halas ediş işleriniň dowam edýändigini mälim etdi.

Hindistanyň premýer-ministri Narendra Modi, pajygaly ýagdaýda heläk bolanlaryň ýakynlaryna takmynan 2 müň 430 dollar, ýaralananlara bolsa takmynan 600 dollar kömek beriljekdigini aýtdy.