Halypa žurnalist, «Türkmenistan» gazetiniň redaksiýasynyň uly habarçysy, Türkmenistanyň «Watana bolan söýgüsi üçin» medalynyň eýesi Aýnabat Durdyýewa aradan çykdy. Bu barada «salam.news» habar berýär. 

Aýnabat Durdyýewa - 1955-nji ýylyň ýanwar aýynyň 15-ine Lebap welaýatynyň Köýtendag etrabynda doguldy. Ol heniz on ýedi ýaşynda mahaly 1972-nji ýylyň sentýabrynda «Türkmenistan» gazetiniň gapysyndan ätledi. Halypa žurnalist 1979-njy ýylda Magtymguly adyndaky TDU-ny üstünlikli tamamlady. 

1972 — 2017-nji ýyllar aralygynda «Türkmenistan» gazetiniň redaksiýasynda kompýuter ýygymynyň operatory, uly habarçy, bölüm redaktory, bölüm müdiri, uly habarçy, 2017-nji ýyldan şu güne çenli bolsa, gazetiň uly habarçysy wezipesinde abraý bilen zähmet çekdi. Uzak ýyllaryň dowamynda çeken halal we yhlasly zähmeti üçin, 2019-njy ýylda Türkmenistanyň «Watana bolan söýgüsi üçin» medaly bilen sylaglandy.