Ahal welaýatynyň Tejen etrabynyň “Tejen” daýhan birleşigi tohumçylyga ýöriteleşdirilen hojalyklaryň biridir. Bu daýhan birleşikde indi köp ýyllardan bäri bugdaýyň gowy hilli sortlaryny taýýarlap bermek bilen, etrabyň çägindäki daýhan birleşikleri iň gowy, arassa we dok tohum bilen üpjün edip gelýär. Ine, şu günlerde hem bu daýhan birleşikde galla ekişi öňünde düzülen meýilnama esasynda guramaçylykly alnyp barylýar. Galla ekişinde ulanylýan ähli tehnikalar toparlara bölünip, olaryň işlerini sazlaşykly alnyp barylýar.

 Sebäbi, Tejenli gallaçy kärendeçilerimiz ata-bablarymyzyň “ekin ekseň bugdaý eken” diýen pähimli sözlerinden ugur alyp, güýzlik bugdaý ekişini gysga wagtyň dowamynda geçirmeklik ugrynda birleşen tagallalaryny gaýgyrmaýarlar. Bu babat-da, gallaçy kärendeçileriň, halypa daýhanlaryň, şeýle hem bu işe dahylly hünärmenleriň güýzlik bugdaý ekişine gatnaşdyrylmagy gazanyldy.

Irki ekişi geçirilen ýerlerde eýýäm maýsalar öwrülip ekerançylyk meýdanlarynyň owadanlygyny goşalandyrýar. Gallaçy kärendeçiler bu gün topraga eden yhlasynyň ýerine düşendigini gördiler. Tejenli gallaçylaryň täze ýylyň bitginli hasyly üçin ir gözünden ýerine ýetirýän işleri täze ýylyň bitginli hasylynyň güwäçysy bolup durýar.

Tejenli daýhanlar üçin örän köp ýeňillikler döredilýär. Olara oba hojalygynda ulanylýan tehnikalary muzdsuz, mugt bermek, dökün we tehniki hyzmatlarynyň bahasyny ýeňillikli nyrhlar bilen bermek ýaly aladalar özüniň gowy netijesini berýär. Hut şonuň üçin-de, etrabynyň çäginde gök öwüsýän bugdaýlara ideg etmek işleri giň gerimde alnyp barylýar.