Ahal welaýaty
logo

Soňky täzelikler:
✦ UNIDO-nyň Global senagat sammiti öz işine başlady ✦ ✦ Kabulda Türkmenistanyň hemişelik Bitaraplygynyň 30 ýyllygy dabaraly bellenildi ✦ ✦ Türkmenistanyň Prezidenti Gazagystan Respublikasyna döwlet sapary bilen bardy ✦ ✦ Türkmen-tatar hyzmatdaşlygynyň täze ugurlary ara alnyp maslahatlaşyldy ✦ ✦ Türkmen wekiliýeti Saud Arabystan Patyşalygynda okuw saparynda boldular ✦ ✦ Bitaraplyk – daşary syýasaty alyp barmagyň esasy guraly ✦ ✦ «Balkan» köpugurly söwda merkezinde Eýran Yslam Respublikasynyň sergisi geçirildi ✦ ✦ Türkmenistan bilen Özbegistanyň arasyndaky hyzmatdaşlygyň täze tapgyry ýola goýulýar ✦ ✦ Sanly ykdysadyýet innowasiýalary durmuşa geçirmegiň esasy ugry ✦ ✦ Türkmenistan Bitaraplyk ýörelgelerine eýermek arkaly halkara hyzmatdaşlygyny güýçlendirýär ✦
Baş sahypa / Jemgyýet /Türkmenabatda täze himiýa toplumynyň düýbüni tutmak dabarasy geçirildi
  16.10.2025
216
Türkmenabatda täze himiýa toplumynyň düýbüni tutmak dabarasy geçirildi

Türkmenistanyň Prezidenti Serdar Berdimuhamedow Türkmenabat şäherindäki S.A. Nyýazow adyndaky himiýa zawodynda gurlajak mineral dökünleri öndürýän toplumyň düýbüni tutmak dabarasynda çykyş edip, bu taslamanyň ýurdumyzyň oba hojalyk pudagyny ýokary hilli fosforly dökünler bilen üpjün etjekdigini belledi. Täze kärhana daşary ýurtlardan getirilýän dökünleriň ornuny tutup, içerki önümçiligi ösdürmäge mümkinçilik döreder.

 

Döwlet Baştutanynyň belleýşi ýaly, toplumda ýylda 350 müň tonna superfosfat we 100 müň tonna ammoniý sulfaty öndüriler. Bu bolsa ýurdumyzyň himiýa senagatynyň kuwwatyny ep-esli ýokarlandyrmaga hyzmat eder.

 

Prezident Serdar Berdimuhamedow täze kärhananyň işe girizilmegi bilen täze iş orunlarynyň dörediljekdigini, bu ýerde zähmet çekjek hünärmenleriň köpüsiniň daşary ýurt ýokary okuw mekdeplerinde taýýarlanjakdygyny aýtdy.

 

Şeýle hem döwlet Baştutanymyz şeýle taslamalar durmuşa geçirilende, ekologik talaplaryň doly ýerine ýetirilmegine we öňdebaryjy tehnologiýalaryň ornaşdyrylmagyna aýratyn üns berilýändigini nygtady.

 

Mekan BEGENJOW,

S.A.Nyýazow adyndaky
Türkmen oba hojalyk uniwersitetiniň talyby.