Gonkong hökümeti takmynan 255 million amerikan dollaryna barabar bolan syýahatçylygy höweslendirmek boýunça taslamasyny durmuşa geçirmegi meýilleşdirýär. Şonuň üçin hem Gonkonga gelýän syýahatçylar üçin uçar petekleri mugt bolar.

Pandemiýa, Gonkongyň syýahatçylyk pudagyna ýaramaz täsirini ýetirdi. Häzirki wagtda Gonkongda iň ýokary derejede «Covid-19» çäreleri ýola goýlan. Hökümet pandemiýanyň erbet täsirini ýetiren syýahatçylyk pudagyny täzeden ýokary derejä çykarmak isleýär. Şol sebäpli hem gelýän syýahatçylar üçin uçar peteklerini mugt edýär.

Gonkongyň «Hong Kong Express» we «Hong Kong» Howaýollary ýaly awiakompaniýalary jahankeşdeler üçin 500 müň uçar petegini mugt eder.