«Halkyň Arkadagly zamanasy» ýylynyň gowaça hasylyny ýygnap almak möwsümine ilkinjileriň hatarynda girişen Tejen etrabynyň «Tejen» daýhan birleşiginiň edermen hasyl ussatlary ýygymyň ilkinji günlerinden başlap ýokary iş netijelerini gazanýarlar. Ýetişdirilen hasyly öz wagtynda zaýasyz ýygnap almakda günüň her bir sagadyndan netijeli peýdalanyp, ýygymyň depginini barha güýçlendirýärler.

Jogapkärli möwsümi ýokary guramaçylyk derejesinde alyp barýan «Tejen» daýhan birleşiginiň pagtaçy kärendeçileri beýleki hojalyklaryň pagtaçylaryna görelde bolýarlar. Kärdeşler arkalaşyklarynyň Tejen etrap  birleşmesi hem Tejen daýhan birleşiginiň Kärdeşler arkalaşyklarynyň ilkinji guramasy bilen pagta meýdanlarynda hasyl ussatlarynyň arasynda bolup öňdebaryjy kärendeçileri, ýygymçylary, kombaýnçylary höweslendirýärler. Daýhan birleşiginde hem ilkinjileriň biri bolup özleriniň meýilnamalaýyn tabşyrygyny üstünlikli berjaý etmegiň hötdesinden gelen kärendeçilerden Güljan Saryýewa 7 gektar gowaça meýdanyndan 16700 tonna, Ýazguly Ýazow 2 gektar gowaça meýdanyndan 4500 tonna, Maksat Atdaýew 1 gektar gowaça meýdanyndan 3500 tonnadan gowrak hasyl alyp, bellenen sepgide abraý bilen ýetdiler. Bu kärendeçiler hasyl ussatlarynyň irki möhletde şertnamalaýyn borçnamalaryny artygy bilen berjaý edendiklerine garamazdan, olaryň atyzlarynda entek hasyl köp. Ilkinji üstünlikden galkynýan pagtaçylar döwlet harmanyna mundan beýläk-de hasyl goşmagy dowam etdirýärler. 

Gurbanmyrat JUMAÝEW,

Türkmenistanyň Kärdeşler arkalaşyklarynyň
Ahal welaýatynyň Tejen etrap
birleşmesiniň işgäri.