20-nji noýabrda Gazagystan Respublikasynda nobatdan daşary prezident saýlawlary geçiriler. Gazagystanyň Daşary işler ministrliginiň habar bermegine görä, daşary döwletleriň 53-sinde Gazagystanyň daşary ýurtlardaky edaralarynyň ýanynda saýlaw uçastoklarynyň 68-si döredildi.

Habarda, «Gazagystan Respublikasynyň işjeň saýlamak hukugyna eýe bolan, hususy, gulluk, okuw, işewürlik we syýahatçylyk maksatlary boýunça degişli daşary döwletlerde ýaşaýan ýa-da bolýan hem-de GR-niň raýatynyň hakyky pasportyna eýe bolan raýatlary ses bermäge gatnaşmak üçin Gazagystanyň diplomatik ýa-da konsullyk wekilhanasynyň ýanynda döredilen saýlaw uçastogyna ýüzlenip bilerler» – diýlip bellenilýär.

Gazagystanyň Türkmenistandaky ilçihanasynda ses bermeklik saýlaw güni (ýekşenbede) ýerli wagt bilen sagat 07:00-dan 20:00-a çenli geçiriler.

Daşary ýurtlarda ses berilişige öz wagtynda we doly taýýarlyk görmek üçin gazagystanlylardan saýlaw uçastogy bilen öňünden habarlaşmagy hem-de saýlawçylaryň sanawyna goşmak üçin maglumatlary bermegi haýyş edilýär. 

Gazagystan Respublikasynyň Türkmenistandaky ilçihanasy 

744036, Aşgabat, Garaşsyzlyk şaýoly, 11, 13, 15
tel.: (+99312) 48-04-68, 48-04-69
e-mail: ashgabat@mfa.kz