ABŞ-nyň Florida ştatynda, geçen aý «Ian» atly weýran ediji tupan boldy. Tupandan soň sebitde «et iýýän bakteriýalar» köpeldi. «Et iýýän bakteriýalaryň» sebitiň ýaşaýjylaryna «Vibrio vulnificus» atly ýokanjy ýokuşdyrmagy sebäpli sebitde aradan çykan adamlaryň sany gitdigiçe köpelýär.

Bakteriýa adamlara suw arkaly geçip, bedendäki açyk ýaralarda mesgen tutunýar. Gün geçdigiçe olar köpelip, adamy halys tapdan gaçyrýar. Häzirki wagtda sebitde 29 sany howply waka hasaba alyndy. Bu hadysalaryň ählisi tupandan soň ýüze çykdy.