Parižiň gözel ýerlerinden biri bolan Eýfel diňiniň bina edilenine ençeme wagt boldy. Habar berilmegine görä, binanyň köp böleklerinde poslanma we çüýreme emele gelipdir. Fransiýanyň Hökümeti ýurtda geçiriljek 2024-nji ýyldaky Olimpiýa oýunlaryna taýýarlyk görmek maksady bilen Eýfelde düýpli abatlama işlerini geçirmegi maksat edýär. Abatlaýyş işleri üçin 50 million ýewro çykjakdygy çaklanylýar.

Belläp geçsek, Eýfel diňi 1889-njy ýylda Gustaw Eýfel tarapyndan bina edilýär. 18 müň metal böleginden ybarat we 324 metr beýiklikdäki bu diň her 7 ýyldan bir gezek  boýalýar.