Şu gün Erkin döredijilik mekanynyň mejlisler jaýynda Türkmen döwlet neşirýat gullugynyň we «Watan» gazetiniň redaksiýasynyň guramagynda «Ýaşlar syýasaty: belent maksatlar, aýdyň wezipeler» atly döredijilik duşuşygy geçirildi. Oňa döredijilik işgärleri, ýaş şahyrlar hem-de talyplar gatnaşdy.

Döredijilik duşuşygynyň dowamynda Garaşsyzlyk ýyllarynda Gahryman Arkadagymyzyň baştutanlygynda amala aşyrylan köpugurly işler, şeýle hem Berkarar döwletiň täze eýýamynyň Galkynyşy döwründe Arkadagly Serdarymyzyň alyp barýan il-ýurt bähbitli beýik tutumlary, Watan mukaddesligi, ýaşlarymyzy ylymly-bilimli, giň dünýägaraýyşly sagdyn nesiller edip ýetişdirmek ugrunda döredilýän şertler barada gürrüň edildi.

Duşuşygyň dowamynda ýaňlanan aýdym-sazlar we okalan şygyrlar duşuşyga gatnaşanlarda ýakymly täsir galdyrdy.