Global ýylylyk netijesinde ýok bolmak howpy abanýan Awstraliýada äpet kelp moss görnüşini goramak üçin başlanan bu taslama, müňlerçe emeli hemra suratlaryny seljermek arkaly Google-yň emeli aň tehnologiýasy tarapyndan döredilen kartalarda we ýylylyga çydamly gen gözleglerinde seljermeler bilen dowam edýär.

Deňiz düýbünden suwuň ýüzüne çenli uzalyp gidýän we uzynlygy otuz metre çenli ýetip bilýän äpet kelp suwotulary Awstraliýanyň tebigy gözelliklerinden biridir.  Kelp tokaýlary diýlip atlandyrylýan bu ösümlik jemgyýeti, ummanda tokaý hökmünde hereket edýär we kiçi pingwinlerden ýaprakly deňiz aždarhalaryna çenli müňlerçe deňiz jandarlarynyň ýaşaýan ýerini döredýär.

Ýurduň bäş ştatynyň çäginde ýerleşýän bu ekosistemanyň köp böleginiň ýyllar boýy ýitip gidenligi sebäpli, Awstraliýa hökümeti ýok bolmak howpy abanýan ösümlikleriň arasynda kelpäni goşdy we 2012-nji ýylda gorap saklamak işlerine başlady.

Sebitdäki ýaşaýyş ýerlerini gowulandyrmak üçin geçirilen gözlegleriň biri, Google tarapyndan hödürlenýän emeli aň tehnologiýasynyň goldawy bilen amala aşyrylýar. Gözlegiň gyzyklanýan taraplarynda “Google Australia” we “Google Research”, Awstraliýa hökümetiniň Ylmy we senagat gözleg guramasy, Tasmaniýa uniwersitetiniň deňiz we antarktika gözleg instituty, Halkara tebigaty goramak jemgyýeti, Beýik Günorta rif gaznasy we Kelp tokaý birleşigi bar.

Çemen ORAZMYRADOWA,
Aşgabat şäherindäki 
agrosenagat orta hünär 
okuw mekdebiniň talyby.