Fransiýanyň energiýa we transport kompaniýasy «Alstom» tarapyndan işlenip düzülen dünýädäki ilkinji wodorod bilen işleýän otly «Coradia iLint» diýlip atlandyrylýar. Otly geçen ýylyň ahyrynda Fransiýada synag edilipdi. Şeýle hem otly Germaniýada, Gollandiýada we Şwesiýada geçirilen synag sürüşlerinden hem üstünlikli geçmegi başardy.

Dünýädäki ilkinji wodorod bilen işleýän ýolagçy otlusy uzak wagtlyk synagdan soň Germaniýanyň käbir şäherlerinde hyzmat edip başlady. «Coradia iLint», wodorod ýangyç öýjügi bilen işleýän dünýädäki ilkinji ýolagçy otludyr. Otlynyň iň möhüm aýratynlyklaryndan biri, elektrik relsleriniň ýok ýerlerinde hem işläp bilmekidir.