Türkmenistanyň Bilim ministrligi eýeçiligiň görnüşlerine garamazdan ähli görnüşdäki gysga möhletli okuwlary guraýan bilim edaralarynda okaýanlaryň arasynda daşary ýurt dilleri boýunça döwlet bäsleşiginiň geçirilýändigini mälim edýär. Bu barada, Türkmenistanyň Bilim ministrliginiň resmi web saýtynda habar berilýär.

Döwlet bäsleşiginiň birinji tapgyry şu ýylyň 12-nji fewralynda okuw merkezlerinde, Aşgabat şäheri we Ahal welaýaty boýunça Döwletmämmet Azady adyndaky Türkmen milli dünýä dilleri institutynda, Balkan welaýaty boýunça Ýagşygeldi Kakaýew adyndaky Halkara nebit we gaz institutynyň Balkanabat şäherindäki şahamçasynda, Daşoguz welaýaty boýunça Türkmen oba hojalyk institutynda, Lebap welaýaty boýunça Seýitnazar Seýdi adyndaky Türkmen döwlet mugallymçylyk institutynda, Mary welaýaty boýunça Türkmenistanyň Döwlet energetika institutynda geçiriler.

Şeýle hem üçünji jemleýji tapgyry Döwletmämmet Azady adyndaky Türkmen milli dünýä dilleri institutynda geçiriler.

Döwlet bäsleşiginiň guramaçylykly geçirmek üçin Guramaçylyk topary, Eminler topary we Gözegçi iş topary dörediler.

Esasy tapgyry bolan bäsleşigiň üçünji jemleýji tapgyry 2023-nji ýylyň 19-njy martynda geçirmek göz öňünde tutulýar. 

Bäsleşigiň düzgünnamasyny şu ýerden görüp bilersiňiz!

Goşmaça habarlaşmak üçin telefon belgileri:   + (99312) 44-84-00 / 44-84-52.