Ýakynda Türkmenistanyň Kärdeşler arkalaşyklarynyň tassyklan iş meýilnamasy esasynda Tejen etrabynyň Altyn asyr şäherindäki medeniýet öýünde şanly Garaşsyzlygymyzyň 31-ýyllygy mynasybetli “Garaşsyzlyk – buýsanjymyz bagtymyz!” atly wagyz-nesihat baýramçylyk çäresi geçirildi.

Dabaranyň dowamynda çykyş edenler Berkarar döwletiň täze eýýamynyň galkynyşy döwründe hormatly Prezidentimiziň baştutanlygynda milli baýramlarymyzy we şanly senelerimizi agzybirlikde, jebislikde garşy alýarys. “Halkyň Arkadagly zamanasy” ýylynyň bereketli güýz paslynyň ilkinji günlerinde eziz Diýarymyzyň ähli künjeklerinde ýurdumyzyň baş baýramy bolan şanly Garaşsyzlygymyzyň 31-ýyllygy mynasybetli aýdym-sazly baýramçylyk çäreleri, wagyz-nesihat duşuşyklary yzygiderli geçirilýär. Munuň özi bolsa ähli kärde zähmet çekýän işgärleriň jemgyýetçilik ähmiýetini ýokarlandyrmak bilen, milli agzybirligimizi we jebisligimizi has-da pugtalandyrýandygy barada giňişleýin belläp geçdiler.

Dabaranyň dowamy medeniýet we sungat ussatlarynyň aýdym-sazly çykyşlaryna utgaşyp gitdi. Çykyşlarda hormatly Prezidentimiziň ýurdumyzy dünýäniň ösen döwletleriniň hataryna ýetirmekde, halkymyzy bolelin durmuşda ýaşatmakda alyp barýan işleriniň waspy belentden ýaňlandy. Wagyz-nesihat çäresiniň ahyrynda halkymyza  baky bagtyýarlygy ýaran eden hormatly Prezidentimiziň janynyň sag, ömrüniň uzak, alyp barýan tutumly işleriniň elmydama rowaç bolmagyny arzuw etdiler.

Gurbanmyrat JUMAÝEW,

Türkmenistanyň Kärdeşler arkalaşyklarynyň
Ahal welaýatynyň Tejen etrap
birleşmesiniň işgäri.