Bagtyýar zamanamyzda ýaşlaryň ylym-bilim öwrenip, hünärli bolup ýetişmekleri üçin ähli mümkinçilikler döredilýär. Ýurdumyzda ylmy ösdürmek, ýaşlaryň ylym-bilimden kemally bolmagyny üpjün etmek babatynda uly işler amala aşyrylýar.

Mähriban Diýarymyzda gurulýan täze bilim edaralary, mekdepdir çagalar baglary döwrebap okuw gollanmalar, esbaplar bilen üpjünleşdirilýär. Ýaşlara bilim bermekde okatmagyň täze usullary, halkara tejribesi ornaşdyrylýar. Türkmenistanda sanly bilim ulgamynyň ösdürilmegi bilen, ýaş nesle berilýän bilimiň mazmuny baýlaşdy, hili ýokarlandy.

Ylym, bi­lim, ter­bi­ýe bol­sa, döw­le­ti­mi­zi we jem­gy­ýe­ti­mi­zi hem­me­ta­rap­la­ýyn ös­dür­mek­de esa­sy bin­ýat bo­lup hyz­mat ed­ýär. Bu ba­bat­da ile­ri tu­tul­ýan mö­hüm ug­ruň üs­tün­lik­li ama­la aşy­ryl­ma­gyn­da mu­gal­ly­myň us­sat­ly­gy­nyň äh­mi­ýe­ti ýo­ka­ry­dyr.

Ýurdumyzyň bilim ulgamynda amala aşyrylýan özgertmeler bizi juda begendirýär we döredijilikli zähmet çekmäge ruhlandyrýar. Ýaş nesillerimizi ählitaraplaýyn üns-alada bilen gurşap, olaryň kämil şahsyýetler bolup kemala gelmegi ugrunda edýän taýsyz tagallalary üçin Gahryman Arkadagymyza we Arkadagly Serdarymyza ýürekden çykýan alkyşlarymyzy aýdýarys.

Goý, ýaşlaryň ylymly-bilimli, hünärli adamlar bolup ýetişmekleri barada uly alada edýän hormatly Prezidentimiziň jany sag, ömri uzak bolup, tutumly işleri elmydama rowaçlyklara beslensin! 

Ejebaý BERDIÝEWA,

Hydyr Derýaýew adyndaky 
Mugallymçylyk mekdebiniň 
mugallymy.