ABŞ-nyň Stanford uniwersitetiniň lukmançylyk ugry boýunça alymlary sagdyn öýjüklere zeper ýetirmezden beýnide dörän çişleri ýok edip biljek täze usuly oýlap tapdylar.

Alymlar, beýniniň rak keseline garşy döreden implantynda - beýnidäki zyýanly çişleri ýok edýän nanobölejikleri işjeňleşdirmek üçin infragyzyl şöhläni ulandylar. Näsaglaryň köpüsiniň 15 günüň dowamynda her gün 15 minutlyk bu täze usul bilen bejergi alsa ölümden halas edilip bilinjekdigi mälim edildi.

Alymlar implanty, deriniň we kelle çanagynyň arasynda ýerleşdirip boljakdygyny we onuň takmynan 4-5 dereje temperaturany ýüze çykarýandygyny şeýle hem howply çişiň töweregindäki sagdyn beýni dokumalaryna zeper ýetirmezden bejerýändigini aýtdylar.