Golaýda, Bäherden etrabyndaky daşary ýurt dillerini çuňlaşdyryp öwredýän 30-njy orta mekdepde, Türkmenistanyň Kärdeşler arkalaşyklarynyň etrap birleşmesiniň, ylym we bilim işgärleriniň kärdeşler arkalaşygynyň etrap Geňeşiniň hem-de etrap bilim bölüminiň bilelikde guramagynda - “Ýol hereketiniň howpsuzlygy — ömrümiziň rahatlygy” atly biraýlygyň çäginde wagyz-nesihat duşuşygy geçirildi. Duşuşyga okuwçy ýaşlar gatnaşdy.

Duşuşygyň barşynda, okuwçy ýaşlara köçe-ýol hereketiniň kadalary, pyýadalar üçin niýetlenen ýerler, ýanýodalar, ýerasty geçelgeler, ýolyşygyň bar ýerinde ýoldan geçmegiň düzgünleri barada gürrüň berildi, degerli öwüt-ündewler aýdyldy.