Ýakynda, Babadaýhan etrap Medeniýet öýünde, welaýat Polisiýa müdirliginiň hem-de jemgyýetçilik guramalarynyň bilelikde guramagynda wagyz-nesihat çäresi geçirildi. Wagyz-nesihat çäresi bilen bilelikde geçirilen duşuşyk hem täsirli boldy. Oňa edara-kärhanalarda zähmet çekýän ýaşlar hem-de jemgyýetçilik guramalarynyň wekilleri gatnaşdy.

Duşuşykda ýurdumyzda ýaş nesliň ählistaraplaýyn sazlaşykly ösmegi, berk bedenli, sagdyn ruhly bolup ýetişmegi ugrunda edilýän tagallalar dogrusynda gürrüň edildi. Onuň barşynda sport bilen yzygiderli meşgullanmagyň, boş wagtlary peýdaly işlere sarp etmegiň, ýaramaz endiklerden daşda durmagyň ähmiýeti hakda aýdylanlar ünsli diňlenildi.

Täsirli geçen duşuşygyň dowamynda ýaşlara sagdyn durmuş ýörelgelerine eýermek bilen bagly gymmatly öwüt-nesihatlar berildi.