Golaýda, Babadaýhan etrap häkimliginiň mejlisler jaýynda Türkmenistanyň Kärdeşler arkalaşyklarynyň Ahal welaýat birleşmesiniň guramagynda okuw maslahaty geçirildi. Okuw maslahatynyň esasy maksady Kärdeşler arkalaşyklarynyň ilkinji guramalarynda alnyp barylýan işleriň netijeliligini gazanmakdan, özara tejribe alyşmakdan ybarat boldy.

Maslahata, Türkmenistanyň Kärdeşler arkalaşyklarynyň etrap birleşmesiniň, ilkinji guramalarynyň başlyklary, işgärleri hem-de işjeň agzalary gatnaşdy. Okuw maslahatynyň dowamynda oňa gatnaşyjylara Kärdeşler arkalaşyklarynyň ilkinji guramalarynda iş dolandyrylyşyny degişli gollanmalara we talaplara laýyklykda alyp barmagyň düzgünleri, şeýle-de zähmeti goramak we howpsuz zähmet şertleri dogrusynda gymmatly maslahatlar berildi.