Babadaýhan etrabynyň bilim işgärleri hem golaýlap gelýän täze, 2022 — 2023-nji okuw ýylyna taýýarlykly barýarlar. Etrapda bar bolan mekdepleriň 23-sinde we çagalar baglarynyň 8-sinde ýeňil abatlaýyş işleri geçirildi.

Täze okuw ýylyna taýýarlyk işleriniň çäklerinde ýurdumyzyň ýokary, ýörite orta mekdeplerini tamamlap gelen ýaş hünärmenler bilen duşuşyklar geçirilip, olar etrabyň mekdeplerine, çagalar baglaryna işe ugradyldy. Şeýle-de täze okuw ýylynda ak mekdepleriň bosagasyndan ilkinji gezek ätlejek 1-nji synp okuwçylary hasaba alnyp, olar bilen okuw ýylynyň öňüsyrasynda tanyşlyk sapaklaryny geçirmeklige şu günler ykjam taýýarlyk görülýär. Häzir etrabyň mekdeplerinde täze okuw ýylyna taýýarlyk işleri Bilimler we talyp ýaşlar gününe taýýarlyk işleri bilen utgaşykly alnyp barylýar.