logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Jemgyýet /Azyk bolçulygyna saldamly goşant
  12.10.2021
965
Azyk bolçulygyna saldamly goşant

Häzirki wagtda türkmen işewürleri gurluşyk, senagat harytlary we azyk önümlerini öndürip, bazar bolçulygyny döretmekde yhlaslylyk görkezýärler. Ýurdumyzda daşary döwletlerden getirilýän harytlaryň ornuny tutup bilýän, bäsleşige ukyply, ekelogoiýa taýdan arassa önümleri öndürip, döwletimizde azyk bolçulygynyň döredilmegine mynasyp goşantlaryny goşýarlar. Muňa mysal edip, et, süýt we gaýry azyklyk önümlerini öndürýän hususy kärhanalary, birnäçe maldarçylyk toplumlaryny görkezmek bolýar.

         Tejen etrabynyň Seleňli geňeşliginiň çäginde ýerleşýän “Süýtli ýaýla” hojalyk jemgyýeti döwrebap maldarçylyk toplumydyr. Bu maldarçylyk toplumynda häzir daşary döwletlerden getirilen köp süýt berýän tohumly mallar idedilýär. Bu toplumynda häzirki wagtda 1000-e golaý baş gara mal bolup, olaryň belli bir bölegi sagylýan sygyrlar, galanlary baka goýlan mallar we ýaş gölelerdir. Mallara weterinariýanyň talaplaryna laýyk ideg edýän toplumynyň işjeň maldarlary her gün 3.5 tonnadan gowrak ýokary hili süýt öndürýärler.

         Toplumda sygyrlary sagmak, ýaş göleleri iýmitlendirmek ýörite enjamlaryň kömegi bilen alnyp barylýar. Maldarçylyk toplumynda döwrebap derejede gurlan gyşky hem-de tomusky ýataklaryň bolmagy mallara ýaş aýratynlyklaryna görä ideg etmäge şertler döredilipdir. Mallaryň ýokumly, baý ot-iýimler bilen birkemsiz üpjün edilmegi süýt we et üçin niýetlenen sygyrlaryň sagdyn ösmegine ýardam edýär.

         Häzirki wagta “Süýtli ýaýla” hojalyk jemgyýetindäki iri şahly mallary gyş möwsümine taýýarlamakda zerur bolan ähli çäreler durmuşa ornaşdyrylýar.