Türkmenistanyň Içeri işler ministrliginiň Mälikguly Berdimuhamedow adyndaky 1001-nji harby bölüminiň medeniýet öýünde hormatly Belent Serkerdebaşymyzyň mähriban atasy, içeri işler edaralarynyň hormatly weterany Mälikguly Berdimuhamedowyň nusgalyk ömür ýoluna bagyşlanan «Atalaryň göreldesi — nesilleriň döwletlilik ýörelgesi» atly maslahat geçirildi. Çäre gatnaşyjylaryň Mälikguly Berdimuhamedowyň bu ýerde ýerleşýän ýadygärligine gül desselerini goýmaklary bilen başlandy.

Maslahata harby we hukuk goraýjy edaralaryň ýolbaşçylary, işgärleridir harby gullukçylary, görnükli şahyrlar, jemgyýetçilik guramalarynyň wekilleri hem-de esgerler gatnaşdylar.

Maslahatyň dowamynda Mälikguly aganyň sözlerine döredilen «Köp ekeliň dänäni», «Uruş bolmasyn» atly aýdymlar ýaňlandy.

Soňra maslahatyň hormatly myhmanlary, içeri işler edaralarynyň weteranlary, Içeri işler ministrliginiň işgärleri harby bölümiň muzeýine hem-de Mälikguly Berdimuhamedow adyndaky ýaşaýyş jaý toplumynyň muzeýine aýlanyp, Mälikguly Berdimuhamedowyň ömür ýoly bilen baglanyşykly muzeý eksponatlarynyň sergisini synladylar. Bulardan başga-da, harby bölümde Mälikguly aganyň gulluk ýyllarynda ulanan moto we awtoulaglarynyň ýörite sergisi guraldy.

Harby bölümde içeri işler edaralarynyň hormatly weterany Mälikguly Berdimuhamedowyň ruhuna bagyşlanyp sadaka berildi.