Ýakynda, Änew şäherindäki Medeniýet öýünde, welaýat häkimliginiň hem-de Türkmenistanyň Zenanlar birleşiginiň welaýat bölüminiň bilelikde guramagynda Gahryman Arkadagymyzyň «Ösüşiň täze belentliklerine tarap» atly kitabynyň 14-nji jildiniň tanyşdyrylyş dabarasy geçirildi.

Tanyşdyrylyş dabarasyna, edara-kärhanalarda, jemgyýetçilik guramalarynda zähmet çekýän işeňňir zenanlar hem-de mährem eneler gatnaşdy.

Dabarany welaýat häkiminiň orunbasary, Türkmenistanyň Zenanlar birleşiginiň welaýat bölüminiň başlygy A.Toporowa açdy. Tanyşdyrylyş dabarasynda, Ylym we bilim işgärleriniň kärdeşler arkalaşygynyň Ak bugdaý etrap Geňeşiniň hünärmeni, Türkmenistanyň Milli Geňeşiniň Mejlisiniň deputaty B.Myradowa, Türkmenistanyň Demokratik partiýasynyň Gökdepe etrap komitetiniň başlygy N.Hojaýewa, Türkmenistanyň Magtymguly adyndaky Ýaşlar guramasynyň Ahal welaýat Geňeşiniň bölüm müdiri M.Gurdowa, Gökdepe etrabyndan mährem ene O.Rejebowa dagynyň eden çykyşlary diýseň täsirli boldy.