Alymlar Antarktidada ýerleşýän «Kyýamat buzy» diýlip atlandyrylýan «Thwaites» buzlugynyň ýakyn ýyllarda eräp yza çekiljekdigini habar berdiler. Bu bolsa deňiz derejesiniň aşa ýokarlanmagyna we tebigy deňagramlylygyň bozulmagyna getirer diýlip çaklanylýar.

Alymlar «Thwaites» buzlugynyň iki asyryň dowamynda ýokary tizlik bilen eräp döwüljekligini şeýle-de deňiz derejesiniň birnäçe metr ýokarlanjaklygyny öňe sürýärler.

«British Antarctic Survey» şereketiniň deňiz geofizigi Robert Larter:

« - Global ýylylyk tebigata örän zyýan ýetirýär. Şonuň netijesinde hem Ýere uly howp abanýar. «Thwaites» buzlugynyň eremegi bilen birnäçe ýurtlaryň Dünýä kartasyndan aýrylmagy mümkin. Munuň üçin ähli döwletler birleşip bilelikde tagalla etmeli» - diýip belleýär.