Ahal welaýatynyň edermen maldarlary guzulary seçmek we täze sürüleri döretmek ýaly häzirki wajyp möwsümdäki işlere jogapkärli çemeleşip, muňa öňünden ykjam taýýarlyk görüldi. Dörediljek sürüleriň we çopan toparlarynyň sany, mallaryň bakyljak örüleri irki möhletde anyk kesgitlendi, şeýle-de öri meýdanlaryndaky guýularyň suw berijiligi anyklandy. Suw çykaryjy enjamlar deslapdan barlandy we taýýarlyk ýagdaýynda goýuldy. Bu çäreler häzirki jogapkärli möwsümi guramaçylykly alyp barmaga mümkinçilik berýär.

Guzulary seçmek we täze sürüleri döretmek işine tejribeli çopanlardyr hünärmenler çekildi. Bu möwsümi guramaçylykly alyp barmakda Bäherden, Gökdepe, Ak bugdaý etraplarynyň maldarlary aýratyn tapawutlanýarlar.